Pi-piro podi tadau om orikot noh oo kopupuson wulan ko-5 id suang do toun 2009. Koubasanan nopo do wulan diti nga inga noh suai nga "Bulan Lima di piandad-andad kah..." wulan nogi do mamarayou do tadau kokotuan toi koh Tadau Kaamatan. Om Bulan Lima nogi diti iso kosiwatan kumaa oinsanan tulun di minompogunan doid id suai-suai kinoihonon toi id songingkaraja id sodu do muli kampung do mamarayou tadau kaamatan.
Oilaan tokou nogi do timpu diti noh oinsanan kampung-kampung nga kiwaro nogi mamarayou do Tadau Kokotuan. Kiwaro nogi it mamarayou Tadau Kaamatan dit komoyon Sondirian berhad kah... Iri nopo nga komoyon di sigogi dot momis tiwou om mumbal dot mangkakat duo toi koh tolu kakanan om mansagan nondio dot "aramai ti..."
Montok do kopoilaan kuma oinsanan tulun id Tambunan om kampung-kampung id sombol. Kaamatan nopo id Kampung Rugading Tanaki, Tambunan do toun diti nga ontok tadau 30 wulan 5 toun 2009 (30/5 /2009). Alapon oinsanan tompinai id sombol do rumikot do mamarayou tadau kaamatan diri. Montok do Kopoilaan om pongudia'an obuli do rumomut di tompinai Epinol Jude Kassun - Pengerusi JKKK Kg. Rugading Tanaki id numbur telipawon :019-5368127. Kotobian Tadau Kaamatan kuma toinsanan tambalut om tompinai ngawi... Siou.. awu oku kouli do rumamai miampai dikoyu..
Tiada ulasan:
Catat Ulasan